المصدر / وكالات
دخلت الفنانة إلهام شاهين، في نوبة بكاء على الهواء، بعد الإعلان عن وفاة الفنان ممدوح عبد العليم، قائلة: "مش مصدقة إن ممدوح مات.. 2016 سنة سودة".
وأضافت إلهام شاهين فى مداخلة هاتفية مع الإعلامية لميس الحديدي، عبر برنامجها "هنا العاصمة" المذاع على فضائية "cbc"، أنها كانت اتفقت مع الراحل على الاحتفال بعيد ميلادها الموافق 3 كانون الثاني/ يناير مع عيد ميلاده الذى يوافق 1 كانون الثاني/ يناير، بمنزل مخرج مسلسل "ليالي الحلمية"، ولكنه لم يحضر، مؤكدة أنه من أقنعها بالمشاركة في المسلسل.
وأضافت: "مش مصدقة اللي حصل، ده كان بيقولي لازم الناس تعرف إن زهرة وعلي خلاص رجعوا لبعض، 2016 بادية بداية وحشة أوي دي سنة سودة، ومش متفائلة بيها بدايتها زفت مش مصدقة".
وتابعت إلهام شاهين: "ممدوح عبد العليم عشرة عمر طويلة، وبدايتنا كانت مع بعض واشتغلنا مع بعض، وكنا حابين أوي نرجع الجزء السادس من ليالي الحلمية مع بعض، واتفقنا نعدي الأسبوع الأول من الشهر الجاري بسبب الإجازات ونقعد كلنا، كنت مترددة وخايفة من ليالي الحلمية، وهو كان متحمس وفرحان".
واختتمت حديثها قائلة: "ممدوح كان صغير أوي ورياضي، ومن جواه طيبة غير طبيعية، يتعامل مع الناس ببراءة ونقاء وصدق مثل براءة الأطفال، ومفيش في وسطنا ولا خارج الوسط حد بأخلاقه وطيبة قلبه، بني آدم خسارة في الموت، مفيش زيه لأنه نادر الوجود في الحياة، بعد وفاته كرهت الدينا وكرهت الحياة".